Lyrics Gallery

Ye na thi hamari qismat ke wisal-e-yaar hota
Agar aur jeete rahte yahi intezar hota

Tere wade par jiye hum to ye jaan jhooth jana
Ke khusi se mar naa jaaate agar aitbar hota

Koi mere dil se puche tere teer-e-nimaksh ko
Ye khalish kahan se hoti jo jigar ke paar hota

Rag-e-sang se tapakta who lahu ke phir na thamta
Jise gam samajh rahe ho ye agar sharar hota

Kahun kis se main ke kya hai, shab-e-gam buri bala hai
Mujhe kya bura tha marna agar ek bar hota

Hue mar ke ham jo ruswa, hue kyaon na garq-e-dariya
Na kabhi janaza uthta, na kahin mazaar hota

Use kyun dekh sakta ki yagan hai who yakta
Jo dui ki bu bhi hoti to kahin do chaar hota

Ye masil-e-tasawuf, ye tera bayan ‘Ghalib’
Tujhe hum wali samjhte, jo na badkhwar hota

Singer: Abida Parveena
Lyrics: Mirza Ghalib
Music: Bhavdeep Jaipurwale

Labels: Ghazal