Lyrics Gallery

Dil-e-naaadan tujhe hua kya hai
Aakhir is dard ki davaa kya hai

Hum hain mushtaaq aur vo bezaar
Yaa ilaahi ye maajara kya hai

Sabazaa-o-gul kahaan se aaye hain
Abr kyaa cheez hai havaa kya hai

Jaan tum par nisaar karata hun
Mian nahin jaanta dua kya hai

Jab ki tujh bin nahin koi maujuud
Phir ye hungama, aey khuda kya hai

Main ne maana ki kuchh nahin ‘Ghalib’
Muft haath aaye to bura kya hai

Singer: Abida Parveena
Lyrics: Mirza Ghalib
Music: Bhavdeep Jaipurwale

Labels: Ghazal