Lyrics Gallery

Har ek bat pe kahte ho tum ke tu kya hai
Tum hi kaho ke ye andaz-e-guftagu kya hai

Jala hai jism jahan dil bhi jal gaya hoga
Kuredte ho jo ab rakh, justaju kya hai

Na shole mein ye karishma na barq mein ye adaa
Koi batao ki wo shokh-e-tundakhu kya hai

Ragon mein daudte phirne ke hum nahin qayal
Jab ankh hi se na tapka to phir lahu kya hai

Rahi na taqat-e-guftar aur agar ho bhi
To kis ummid pe kahiye ke aarazu kya hai

Hua hai shah ka musahib, phire hai itrata
Wagarna shahar mein ‘Ghalib’ ki abaru kya hai


Singer: Abida Parveena
Lyrics: Mirza Ghalib
Music: Bhavdeep Jaipurwale

Labels: Ghazal