Lyrics Gallery

Dil hi tho hai na sang-o-khisht…dard se bhar na aaye kyun
Royenge ham hazaar baar koi hamen sataye kyun

Dair nahin haram nahin dar nahin aastaan nahin
Baithe hain rahaguzar pe ham gair hamen uthaaye kyun

Haan vo nahin khudaaparast, jaao wo bewafa sahi
Jisko ho diin-o-dil aziz, uski gali mein jaaye kyun

Qaid-e-hayaat-o-band-e-gam asl mein dono ek hain
Maut se pehle…aadami gam se najaat paaye kyun

Ghalib-e-khastaa ke bagair kaun se kaam band hain
Rolie zaar-zaar kya, kijiye haaye-haaye kyun

Singer: Abida Parveena
Lyrics: Mirza Ghalib
Music: Bhavdeep Jaipurwale

Labels: Ghazal